दुर्गा भवानी आधारभूत विद्यालयले तिहारको अवसरमा खेलेको देउसीभैलोबाट संकलन गरेको रकमले विद्यार्थीलाई न्यानो कपडा वितरण गरेको छ । विद्यालयमा एक कार्यक्रमको आयोजना गर्दै न्यानो पोशाक वितरण गरेको हो ।
देउसीभैलो कार्यक्रमबाट पन्चानब्बे हजार संकलन गरिएको प्रधानाध्यापक छन्नुराम महतोले बताउनुभयो । संकलित रकमबाट ५० जना विद्यार्थीलाई ट्रयाक सुट र टि सर्ट खरिद गरि वितरण गरिएको हो ।
विद्यालयमा न्यूनआय भएका स्थानीय बोटे, मुसहर, माझी र थारु जातिका विद्यार्थीहरु अध्ययन गर्ने गरेका छन् ।
विद्यालय व्यवस्थापन समिति अध्यक्ष शंकर प्रसाद चौधरीको सभापतिमा भएको कार्यक्रममा कावासोती नगरपालिका वडा नम्बर १५ का वडा अध्यक्ष तेजकुमार श्रेष्ठको प्रमुख आतिथ्यमा भएको कार्यक्रममा विद्यार्थी, शिक्षक, अभिभावक, बुद्धिजीवी, समाजसेवीको उपस्थिति रहेको थियो ।
Discussion about this post