पुर्वप्रधानमन्त्री तथा समाजवादी पार्टीका अध्यक्ष डा. बाबुराम भट्टराईले नेकपाका नेताहरूको रवैयाले संघीयताको वस्तुत:हत्या गरेको भन्नुभएकोछ । उहाँले सामाजिक संजालमा लेख्दै उक्त कुरा भन्नुभएको हो ।
उहाँले फेसबुक स्टाटसमा पोष्ट गर्दै यसो लेख्नुभएको छ “प्रदेशको नामांकन र राजधानी चयनमा नेकपाका नेताहरूको रवैयाले संघीयताको वस्तुत:हत्या गरेको छ-
१. प्रदेशसभाको निर्णय गर्ने अधिकार केही केन्द्रीय नेताहरूले खोस्नु एकात्मकतावादी /अलोकतान्त्रिक हर्कत नभए के हो?
२. बहुसंख्यक जनताको हित विपरित३नंको राजधानी हेटौंडा,५नंको बुटवल,१नंको विराटनगर, ७नंको अत्तरिया/गोदावरी लाद्नु सरासर धोका हैन?
३.प्रदेशको नाउँ जाति/भाषाको पहिचानमा राख्दा देश टुक्रन्छ भन्नु सरासर झुटको खेती हो- अमेरिकामा Alabama,Hawaii,Illinois,Michigan,Texas लगायत २६ राज्य के हुन्?भारतमा तामिलनाडु,नागाल्याण्ड,मिज़ोरम,बंगाल,पंजाब आदि के हुन्?
४. अझै लाज पचाएर…पर्सा,बारा,रौतहट ३नं प्रदेशमा,दोलखा,रामेछाप,सिन्धुली२नं प्रदेशमा राख्ने कुरा गर्नु पंचायतकालीन अन्चलको पुनर्स्थापना नभए के हो?विशेषत प्रचण्ड कणले जनयुद्धका सहीदको रगतमाथि यसरी होली खेल्न मिल्छ?अब तपाईंहरूको विकल्प विष खाएर मर्ने हैन लत्रेर जिउंदै मर्ने कि लडेर अमर हुने भन्ने हो!
Discussion about this post