मेयरलाई कारवाहीको माँग गर्दै जिल्ला प्रहरी कार्यालयमा जाहेरी

शौचालयमा थुनेर कुटपिट तथा दुव्यवहार गर्ने पिडित हरेन्द्र महतो कोइरीले निबेदन दिए कावार्हि गर्छु भन्ने बाराका प्रमुख जिल्ला अधिकारी फण्न्द्रि मणि पोखरेलले आज बारा जिल्ला स्थित महागढीमाई नगरपालिकाका प्रमुख उपेन्द्र यादवलाई बचाउन लागी परेका छन । पिडित हरेन्द्र महतो कोइरीले महागढीमाई नगरपालिकाका प्रमुख यादवलाई कारवाहीको माँग गर्दै जिल्ला प्रहरी कार्यालयमा जाहेरी दिए पछि साझं ६ बजे बाराका प्रमुख जिल्ला अधिकारी र मेयर यादब मुद्दा मिलाउन गोप्य छलफलमा ब्यस्त भएको जानकारी हुन आएको छ ।

छोराले भिडियो बनाएर फेसबुकमा पोष्ट गरेको आरोपमा बाबुलाई शौचालयमा थुनेर कुटपिट तथा दुव्यवहार गर्ने पिडित हरेन्द्र महतो कोइरीले बिहिवार प्रहरीमा जाहेरी दिएका हुँन् ।

सोहि नगरपालकाको वडा नम्बर २ मैनीटोल बस्ने ५५ वर्षिय कोईरीले नगर प्रहरी लगाएर कुटपिट र दुव्र्यवहार गरेको भन्दै कानुनी कारवाहीको लागि मेयर यादव विरुद्ध जिल्ला प्रहरी कार्यालय बारामा उजुरी दिएको उनले बताए ।

उनले जाहेरीमा भेदभाव तथा अपमानजन्य कसुरमा कारवाही गरी मेयर यादवबाट क्षेतिपुर्ति समेत भराई दिन कोइरीले प्रहरीसँग माँग गरेका छन् ।

मेयर यादव माथि कानुनी कारवाहीको माँग गर्दै संघीय संसदमा बारा क्षेत्र नं.२ का माननीय रामसहाय यादव , सोही क्षेत्रबाट प्रदेश नम्बर २ का सभा सदस्य बच्चा यादव , पारस साह समेत कोईरीसँगै प्रहरी कार्यालय पुगेका थिए ।

छोरा मुकेश कुशवाहाले गाउँमा सडकको नाला निर्माणमा भईरहेको ढिलासुस्ति बारे मेयर यादवको अडियो सहिँतको भिडियो फेसबुकमा पोष्ट गरेको निहुँमा कोईरीलाई कुटपिट गर्दै नगरपालिकाको शौचालयमा थुनिएको थियो ।

गत वर्ष नैं पुरा भईसक्नु पर्ने नाला निर्माणमा भईरहेको ढलासुस्ति बारेमा मुकेशले अप्लोड गरेको भिडियो अहिले फेसबुकमा भाईरल छ । शुरुमा मुकेशलाई नियन्त्रणमा लिन घरमा पुगेका नगर प्रहरीले फेला पार्न नसके पछि खेतमा काम गरिरहेको अवस्था उनका बाबुलाई समातेर नगर प्रमुख यादवको जिम्मा लगाएका थिए ।

कोईरीले छोरालाई भगाएको भन्दै मेयर यादवले आँफुले लगाएको जुत्ता टाउकोमा राखेर माफी माग्न भनेको र कोइरीले नमाने पछि कुटपिट गर्दै शौचालयमा लगेर थुन्ने आदेश दिएको उनले बताए ।

‘कसुर बिना अपमान र दण्ड सजाय बेहोर्नु पर्यो, कोईरीले भने , अब अरु केही चाहिएको छैन न्याय पाए पुग्छ ।’ जिल्लाका प्रहरी उपरिक्षकलाई उनले गुहारे ।

जिल्ला प्रहरी कार्यालय बाराका प्रहरी उपरीक्षक कृष्ण पङ्गेनीले कोईरीले भेदभाव तथा अपमानजन्य कसुरमा मेयर यादवलाई विपक्षी बनाएर जाहेरी दिएको जानकारी दिए ।

जाहेरी बारे बताउदै प्रहरी उपरिक्षक पङ्गेनीले भने ‘मेयर विरुद्ध जाहेरी परेको छ , चाहे जो भए पनि यो विषयमा आवश्यक छानविन पछि कारवाही अघि बढछ ।’

मेयर यादबले आफना नगरपालिकाका नगर प्रहरी लगाई केहि दिन अगाडि बाराका संचारकर्मी अनिल बर्माले सुचना हक अन्तरगत नपाको अर्च बिबरण मागेको भनि पिटेका थिए । अर्को तर्फ मेयर यादब र बाराका प्रमुख जिल्ला अधिकारी बिच गढिमाई मेला देखी अत्यन्तै घनिष्ट सम्बन्ध भएको कारण पनि प्रमुख जिल्ला अधिकारी मेयर बिरुद्ध जान नसकेको प्रशासन निकट एक कम्रचारीको भनाई रहेको छ ।