स्थानीय तहमा भ्रष्टाचार मौलाएको जनगुनासो बढीरहेको बेला सुर्खेत सिम्ता गाउँ पालिका अध्यक्ष कबिन्द्र कुमार केसि विरुद्ध अख्तियार दुरुपयोग अनुसन्धान आयोगमा उजुरी परेको छ । भर्खरै अख्तियार दुरुपयोग अनुसन्धान आयोग सुर्खेतले निकालेको तथ्यांकमा भेरीगंगा पछि बढी अनियमितता हुने स्थानीय तहमा सिम्ता गाउँपालिका पर्छ ।
अध्यक्ष केसिको संलग्नतामा सिम्ता गाउँपालिकाको प्रशासनिक भवन निर्माण गर्ने भनिएको स्थल पातचौरमा आवश्यकता भन्दा धेरै घण्टा सम्म डोजर चलाएर आर्थिक अपचलन गरेको आरोप लागेको छ । साथै आ.ब २०७५/७६ को युवा उध्यम कार्यक्रमको बजेटलाई दुरुपयोग गर्दै आसेपासेले संचालन गरिरहेका विभिन्न संस्थालाई दिएको समेत आरोप लागेको छ ।
सरकार प्रमुखलाई अख्तियारमा मुद्दा परिसकेको अबस्थामा उनले राजीनामा दिएर छानबिन सहज गर्न माग समेत भएको छ । युवा नेता प्रचण्ड पोखरेल र रवि किरण हमालले संयुक्त वक्तव्य जारी गर्दै सरकार प्रमुखको राजिनामा मागेका छन् । विधि र पद्धतिलाई मान्ने भए राजीनामा गरेर निष्पक्ष छानबिनको बाटो सरकार प्रमुखले खोल्नुपर्ने वक्तव्यमा उल्लेख्य छ । प्रचण्ड र किरणले स्थानीय बासिन्दालाई सरकार प्रमुखलाई सार्वजनिक बहिस्कार समेत गर्न अपील गरेका छन् ।
Discussion about this post