पाटन संयुक्त क्याम्पसमा विद्यार्थीहरुले सहायक क्याम्पस प्रमुखको कार्यकक्षमा तोडफोड गरेका छन् । अखिल क्रान्तिकारी पाटन संयुक्त क्याम्पस इकाई समितिले तोडफोड गरेको जिम्मेवारी लिएको छ । सहायक क्याम्पस प्रमुख डा. दिपेन्द्र सिंह सिजापतीको कार्यालय तोडफोड भएको हो ।
तोडफोडबाट भौतिक संरचनाहरु नष्ट भएका छन् । कुर्सी, टेबलहरू लगायत अरु भौतिक संरचना तोडफोड गरिएका छन् ।
सहायक क्याम्पस प्रमुख सिजापती आफ्नो कार्यकक्षमा नबसी चियापसल र बाटोघाटो मै कार्यालयको काम गरी विद्यार्थीलाई दुःख दिएको भन्दै कार्यकक्ष तोडफोड गरिएको अखिल क्रान्तिकारी सचिवले जानकारी दिनुभयो ।
क्याम्पस प्रमुख डा. लक्ष्मण सिंह कुँवरका अनुसार क्याम्पसमा आफू नरहेको समयमा तोडफोड भएको बताउनुभयो । क्याम्पसमा तोडफोड भएको छ भौतिक संरचनाहरु नष्ट भएका छन् । त्यसको बारेमा हामी विस्तृत छलफल गर्दैछौ भन्ने कुरा उहाँले बताउनुभयो ।
Discussion about this post