काठमाडौँ । तत्कालीन गृहमन्त्री सुदन गुरुङविरुद्ध समाचार प्रकाशन भएको विषयलाई लिएर कान्तिपुर मिडिया ग्रुपका सम्भव सिरोहियाले राजीनामा दिएका छन्। उनले औपचारिक रूपमा आफ्नो पदबाट राजीनामा बुझाएको जनाइएको छ।
सिरोहियाले सरकारमा रहँदाको समयमा आफ्नै मिडियाले गलत तरिकाले समाचार सम्प्रेषण गरेको भन्दै असन्तुष्टि व्यक्त गरेका थिए। उनले बिहानै सामाजिक सञ्जालमार्फत सुदन गुरुङविरुद्ध प्रकाशित समाचार सेयर गर्दै आपत्ति जनाएका थिए।
उक्त घटनापछि उनले नैतिक जिम्मेवारी लिँदै पदबाट अलग हुने निर्णय गरेको स्रोतले जनाएको छ। यस घटनाले मिडिया हाउस भित्रको आन्तरिक समन्वय र सम्पादकीय नीतिमाथि प्रश्न उठाएको छ।
कान्तिपुर मिडिया ग्रुपले भने यस विषयमा औपचारिक प्रतिक्रिया सार्वजनिक गरिसकेको छैन।
