लन्डन । थारु फुटसल टुर्नामेन्ट युके प्रतियोगिताको पुरस्कार वितरण कार्यक्रम लन्डनको प्लंस्टेडस्थित पोखरा वाइब्स रेस्टुरेन्टमा भव्य रूपमा सम्पन्न भएको छ। कार्यक्रमका प्रमुख अतिथि शेखर गुरौं रहनु भएको थियो भने कार्यक्रमको अध्यक्षता थारु फुटसल टुर्नामेन्ट युकेका सभापति समीर चौधरीले गर्नुभएको थियो।
कार्यक्रममा प्रतियोगितामा थारु विद्यार्थी सभा युकेको अध्यक्ष सविना चौधरी, नविना गुरौ, ज्योति चौधरी, प्रशान्त चौधरी, स्विटी नकर्मी, सहभागी टिमहरू, खेलाडीहरू, आयोजक समिति, तथा यूकेमा रहेका थारु समुदायका अगुवा तथा शुभेच्छुकहरूको उल्लेखनीय उपस्थिति रहेको थियो। प्रमुख अतिथि गुरौंले खेलकुदले युवालाई अनुशासन, एकता र सकारात्मक ऊर्जातर्फ अग्रसर गराउने उल्लेख गर्दै थारु समुदायबीच आपसी सम्बन्ध मजबुत बनाउन यस्ता प्रतियोगिताको महत्वपूर्ण भूमिका रहने धारणा व्यक्त गर्नुभयो।
सभापति चौधरीले प्रतियोगिता सफल बनाउन सहयोग पुर्याउने सबैलाई धन्यवाद दिँदै आगामी दिनमा अझ व्यवस्थित र व्यापक रूपमा प्रतियोगिता आयोजना गर्ने प्रतिबद्धता व्यक्त गर्नुभयो। कार्यक्रम अन्त्यमा विजेता तथा उपविजेता टिमहरूलाई ट्रफी, मेडल र प्रमाणपत्र वितरण गरिएको थियो।
तस्बिरहरू
https://www.facebook.com/share/p/1Gk8yDQzTK/
