बेलायतमा वंशजको नेपाली नागरिकता निरन्तरताका लागि NRNA UK को जानकारी सभा तथा अन्तरक्रिया कार्यक्रम

लन्डन । विदेशमा बसोबास गर्ने नेपालीहरूको वंशजको नेपाली नागरिकताको निरन्तरता सम्बन्धी विषयलाई लिएर गैरआवासीय नेपाली संघ (NRNA) यूकेले “जानकारी सभा तथा अन्तरक्रिया कार्यक्रम” आयोजना गर्ने भएको छ।

संघका अनुसार, नेपालसँगको सम्बन्ध नेपालीहरूकोबेलायतमा वंशजको नेपाली नागरिकता निरन्तरताका लागि NRNA UK को जानकारी सभा तथा अन्तरक्रिया कार्यक्रम पहिचान, अधिकार र अस्तित्वसँग गहिरो रूपमा जोडिएको विषय भएकाले वंशजको नागरिकताको निरन्तरता विश्वभर रहेका लाखौं नेपालीहरूको साझा सरोकार बनेको छ।

राष्ट्रिय स्वतन्त्र पार्टीको वाचा पत्र २०८२ मार्फत विदेशमा रहेका नेपालीहरूको वंशजको नागरिकता निरन्तरता गर्ने प्रतिबद्धता सार्वजनिक भइसकेको र जनस्तरबाट अनुमोदित पनि भएको उल्लेख गर्दै संघले हालका कानुनी प्रस्तावहरूले उक्त अधिकारलाई जटिल बनाउने जोखिम देखिएको जनाएको छ।

NRNA UK ले संविधान तथा नेपाल नागरिकता ऐन, २०६३ मा आवश्यक संशोधन नै उचित र सरल समाधान हुने धारणा व्यक्त गरेको छ।

यसै सन्दर्भमा आयोजना हुन लागेको कार्यक्रमको विवरण यसप्रकार रहेको छः

📍 स्थान: एम्पायर हल, एल्डरसट
📅 मिति: २५ मे २०२६ (सोमबार, बैंक होलिडे)
🕐 समय: दिउँसो १:०० बजे

संघले UK मात्र नभई सम्पूर्ण United Kingdom तथा विश्वभर रहेका नेपाली दाजुभाइ तथा दिदीबहिनीहरूलाई कार्यक्रममा सहभागी भई आफ्नो आवाज बुलन्द गर्न आग्रह गरेको छ।

“आउनुहोस्, एकजुट बनौं र वंशजको नेपाली नागरिकताको निरन्तरताका लागि सशक्त आवाज उठाऔं,” संघले जारी गरेको अपिलमा उल्लेख गरिएको छ।