काठमाडौँ । प्रगतिशील लोकतान्त्रिक पार्टी (प्रलोपा) को नेता तथा पूर्वमन्त्री जनार्धन शर्माले पार्टीभित्र गम्भीर अन्तरविरोध रहेको आरोप लगाउँदै अध्यक्ष पुष्पकमल दहाल ‘प्रचण्ड’ले आफूलाई नै सचिवालय बैठकमै पार्टी छाडेर जान भनेको दाबी गरेका छन्।
शर्माका अनुसार युद्धकालका गतिविधि, जिम्मेवारी र आर्थिक व्यवस्थापन सम्बन्धी मतभेदका कारण प्रचण्डसँगको सम्बन्ध चिसिएको हो। उनले भने, “युद्धकालमा हामीले कब्जा गरेका धन–सम्पत्ति Headquarters (हेडक्वाटर) मा पठाउने गर्थ्यौँ। सोही क्रममा दुई स्थानमा गाडिएको सुनको अवस्थाबारे स्पष्टता खोज्दा उल्टै मलाई पार्टी छाडेर जान भनियो।”
उनले युद्धकालका लागि सङ्ग्रह गरिएको दुई ठाउँमा गाडिएको सुन भेटिनुको कारण अझै अस्पष्ट रहेको भन्दै त्यसबारे प्रचण्ड नेतृत्वले स्पष्ट जवाफ दिनुपर्ने बताए।
पार्टीभित्र तीब्र विवाद सार्वजनिक रूपमा उजागर भएको घटना हालसम्मकै गम्भीर संकेतको रूपमा हेरिएको छ।
