नवलपुर । आगामी प्रतिनिधि सभा निर्वाचन २०८२ लाई लक्षित गर्दै प्रगतिशील लोकतान्त्रिक पार्टी ले नवलपुरमा आफ्ना दुई उम्मेदवारलाई अघि सारेको छ।
समानुपातिक तर्फबाट पिताम्बर महतो उम्मेदवार बनेका छन् भने नवलपुर क्षेत्र नम्बर २ बाट प्रत्यक्ष (First-Past-The-Post) तर्फ मान सिंह महतो चुनावी मैदानमा उत्रिएका छन्। निर्वाचन फाल्गुन २१ गते हुने तय भएको छ।
पार्टीका अनुसार ‘आँखा’ चुनाव चिन्हसहित दुवै उम्मेदवारले समावेशी विकास, पारदर्शी शासन र युवामुखी नीतिलाई प्राथमिकता दिएका छन्। समानुपातिक उम्मेदवार पिताम्बर महतोले सामाजिक न्याय, शिक्षा सुधार तथा रोजगारी सिर्जनामा विशेष जोड दिएका छन्।
त्यसैगरी प्रत्यक्ष उम्मेदवार मान सिंह महतोले नवलपुर क्षेत्र नम्बर २ मा पूर्वाधार विकास, कृषि आधुनिकीकरण, पर्यटन प्रवर्द्धन र साना उद्यमलाई प्रोत्साहन गर्ने प्रतिबद्धता व्यक्त गरेका छन्।
दुवै उम्मेदवारले घरदैलो अभियान, जनभेटघाट तथा अन्तरक्रिया कार्यक्रममार्फत मतदातासँग प्रत्यक्ष संवादलाई तीव्र बनाएका छन्। पार्टीका स्थानीय नेताहरूले यसपटक नवलपुरमा सकारात्मक जनलहर देखिएको दाबी गरेका छन्।
फाल्गुन २१ गते हुने निर्वाचनमा मतदाताले प्रत्यक्ष तथा समानुपातिकतर्फ प्रगतिशील लोकतान्त्रिक पार्टीको ‘आँखा’ चिन्हमा मतदान गर्नेछन्।
