लन्डन । नवलपुर जिल्ला घर भई बेलायतमा बसोबास गर्दै आएका नवलपुरेलीहरूको साझा संस्था नवलपुर जिल्ला समाज यूकेले नयाँ नेतृत्व पाएको छ। आइतबार लन्डनको वेलिङस्थित सेन्ट माइकल कम्युनिटी सेन्टरमा सम्पन्न चौथो अधिवेशनले सर्वसम्मत रूपमा नयाँ कार्यसमिति चयन गरेको हो।
नवनिर्वाचित कार्यसमितिको अध्यक्षमा सन्तोष रेग्मी चयन भएका छन्। उपाध्यक्षमा प्रकाश कंडेल र युवराज राना रहेका छन् भने महिला उपाध्यक्षमा किताबी सारु मगर चयन भएकी छन्। महासचिवमा बिकेन रानामगर, सचिवमा ओम महतो र कोषाध्यक्षमा खुमराज पाठक चयन भएका छन्।
त्यसैगरी, सदस्यहरूमा लोकेन्द्र रानामगर, मोति आले, जुना गुरुङ, सागर पाइजा, राजेन्द्र गिरी, ओमकला बस्याल, सुनिता ढकाल, कृष्णराज सापकोटा, धनराज थापामगर, लक्ष्मण अर्याल र गंगा सापकोटा रहेका छन्।
होम शर्माको संयोजकत्वमा टिकाराम सापकोटा र संस्थापक अध्यक्ष इन्द्रजीत सारुमगर सदस्य रहेको निर्वाचन समितिले नयाँ कार्यसमिति चयन प्रक्रिया सञ्चालन गरेको थियो।
यसअघि निवर्तमान अध्यक्ष मीना सापकोटाको अध्यक्षतामा सम्पन्न अधिवेशनमा संस्थाको प्रगति तथा आर्थिक प्रतिवेदनमाथि छलफल गरिएको थियो।
अधिवेशन सम्पन्न भएसँगै सोही स्थलमा नेपाली नयाँ वर्षको अवसर पारेर समाजले विविध सांस्कृतिक कार्यक्रमसहित शुभकामना आदान–प्रदान कार्यक्रम पनि आयोजना गरेको थियो। कार्यक्रममा नेपालबाट आमन्त्रित नवलपुरे गायिका रुपी सिञ्जाली मगरले विशेष सांगीतिक प्रस्तुति दिँदै उपस्थित दर्शकलाई मनोरञ्जन प्रदान गरेकी थिइन्।
